Plantun de Prouvènço

Pèr coumpara dos planto d'encò nostre

Gentiana lutea & Stipella parviflora

Genciano

Gentiana lutea

Gentianaceae

Àutri noum : Genciàna, Jansano, Sensano, Baselico.

Noms en français : Gentiane jaune, Grande Gentiane.

Descripcioun :
La genciano es uno grando erbo que trachis dins li pasquié de mountagno. I'a pas pèr s'engana, pamens s'acampas sa racino, avisas-vous que siegue pas de varaire, Veratrum album forço empouisounanto ! La genciano a li fueio óupousado au contro dóu varaire que soun alterno.

Usanço :
Es uno planto bèn couneigudo pèr èstre subretout vertuouso dins li proublèmo de digestioun. Sa racino s'emplego pèr adouba d'aigarden (coume la Suze). Se pòu bouta direitamen la racino dins de vin blanc pèr n'en faire d'aperitiéu o de digestiéu quouro sias "stoumaga". Pamens "lou vin de sensano es amar que te fa pua'n'ase pèr la chaminèio ! (in J.-L. Domenge, LMT op.cit. p. 59).

Port : Grando erbo
Taio : 80 à 150 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Gentiana
Famiho : Gentianaceae

Ordre : Gentianales

Coulour de la flour : Jauno
Petalo : 5
Ø (o loungour) flour : 5 cm
Flourido : Estiéu

Sòu : Ca
Autour basso e auto : 100 à 2200 m
Aparado : Noun
Juliet à setèmbre

Liò : Pasquié - Prado umido - Bos clar
Estànci : Mountagnard à Subaupen
Couroulougi : Ouroufito-Sud-Éuropenco
Ref. sc. : Gentiana lutea L., 1753

Estipe(-di-pichòti-flour)

Stipella parviflora

Poaceae Graminaceae

Nom en français : Stipe à petites fleurs.

Descripcioun :
L'estipe-di-pichòti-flour es uno planto forço raro au nostre (e peréu en Franço) que trachis dins li marlo de Fournès au couchant de noste relarg (s'atrobo pièi en Espagno e en Africo de l'uba). Es uno grando erbo di proun laco, emé uno grando paumo que caup d'espigueto pourtado pèr un long pecou. Li lemma porton d'arèsto primo e longo de 5 à 10 cm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 50 à 70 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Stipella
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) flour : 2,5 cm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Marlo
Estànci : Mesoumediterran
Couroulougi : Mediterrano-Touranienno
Ref. sc. : Stipella parviflora (Desf.) Röser & Hamasha, 2012 (= Stipa parviflora Desf., 1798 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Gentiana lutea & Stipella parviflora

ges

Coumpara Genciano emé uno autro planto

Coumpara Estipe(-di-pichòti-flour) emé uno autro planto